Ka përfunduar takimi mes Ramës dhe Metës, për sa u përket diskutimeve mbi datën e zgjedhjeve elektorale. Gazetati Top Channel Muhamed Veliu mëson detaje nga ajo çfarë krye-socialisti Edi Rama ka folur me presidentin Meta gjatë konsultimeve për datën e zgjedhjeve. “Ne jemi gati për çdo datë” ka thënë Edi Rama por ka kërkuar evitimin e datës 2 Maj pasi janë Pashkët Ortodokse. Ndërkohë Meta ka transmetuar takimin me Ramën live në Facebook ku në fund e ka ftuar nëse dëshironte të pinte kafe apo çaj. “Ju thërrita për të zhvilluar konsultimet për datën e zgjedhjeve brenda afatit që krijon kushtetuta me qëllim që të kemi një proces sa më gjithëpërfshirës dhe për të respektuar çdo ndjeshmëri. Në këtë drejtim do të isha i interesuar të dëgjoja dhe opinion tuaj si përfaqësues të PS dhe mazhorancës”, tha Meta.