Fiks Fare sjell një nga rastet më të rënda të dhunës brenda një institucioni shtetëror. Meleq Stojku denoncon se u dhunua brutalisht në ambientet e Kadastrës së Dibrës, ku sipas tij disa punonjës e kapën me forcë, e përplasën në tokë dhe i thyen krahun. Ndërkohë, punonjësit mohojnë çdo goditje, dhe Prokuroria e Dibrës mbylli çështjen pa kryer asnjë ekspertim mjeko-ligjor, duke refuzuar të hapë procedim penal. Fiksi shkon në vendngjarje, përpiqet të hyjë në zyrën ku pretendon se është dhunuar qytetari, por dera është e mbyllur dhe asnjë punonjës nuk jep informacion. Ndërkohë, drejtori aktual i ASHK Dibër shmang pyetjet dhe kërkon “vetëm kërkesë me shkrim”.