Emanuel Marku, një banor nga Lezha, përmes emisionit investigativ "Fiks Fare", ka shprehur shqetësimin e ti për pamundësinë për të takuar dy fëmijët e tij, të moshës 10 dhe 6 vjeç, pas divorcit me bashkëshorten. Sipas dëshmisë së Markut, ish-bashkëshortja e tij është e përfshirë në aktivitete kriminale dhe ushtron prostitucion, ç'ka ka qenë edhe arsyeja kryesore për ndarjen e tyre. Ai shprehet se, pavarësisht përpjekjeve të tij përmes zyrës së përmbarimit, nuk ka arritur të vendosë kontakt me fëmijët. Bashkëpunëtori i emisionit "Fiks Fare" shkoi në zyrën e përmbarimit. Punonjësit pranojnë se i kanë sugjeruar Markut të vendosë vetë kontakt me ish- bashkëshorten për të takuar fëmijët. Ndërkohë përgjegjësja e Zyrës së Përmbarimit Lezhë shprehet se nuk kanë psikolog dhe se nuk kanë një procedurë të qartë për të ndjekur për këto raste.