Prej tre vitesh banorët e dy fshatrave Luftinjë dhe Rrapaj janë pa mjekë, pa infermierë dhe pa qendër shëndetësore. Ndërtesa e qëndres shëndetësore të Luftinjës ështe kthyer në vendgrumbillim për ushqimin e kafshëve. Në vend të krevatëve të pacientëve, gjen jonxhë të tharë për bagëtinë. Në Rrapaj, qendra shëndetësore është një godinë pothuajse e rrënuar. Sot kanë ngelur 4 muret, sepse mjekë dhe infermierë nuk ka.Të gjithë kanë ikur në Gjermani dhe askush nuk është kujdesur për zëvendësimin e tyre prej vitesh. Banoret e ketyre 2 fsharave janë të detyruar të jetojnë prej 3 vitesh pa shërbimin shëndetësor. Shumica prej tyre janë të moshuar dhe me sëmundje kronike, detyrohen të udhëtojnë kilometra të tëra për të shkuar në Memaliaj për të marrë shërbimin shëndetësor më elementarë.