Kryesuesja e listës së PS për qarkun e Durrësit, Milva Ekonomi ishte në Fushë Krujë, ku pa nga afër zbatimin e reformës veterinare. Fermerë të zonës u shprehën të kënaqur me ketë skemë lehtësuese e cila prej 1 viti po zbatohet në sipërmarrjet e tyre. “Unë jam Hamit Hidri fermer. Kam këto njësi blegtorale lopë dhi, me këto unë mbaj familjen time,
 Falënderoj shtetin që më ka ndihmuar me vaksinimin, matrikullimin, pjesëmarrjen e këtyre çunave për çdo moment

”, tha banori. “Ajo që shikojmë nga afër ditë për ditë është që reforma veterinare që ndërmorëm vitin e kaluar po jep frytet e veta. Shërbimi veterinar këtu është falas si për matrikullimin, vaksinimin, ndjekjen e sëmundshmërisë së kafshëve në tufën e gjedhit apo bagëtitë e imëta”, tha ministrja. Zonja Ekonomi sqaroi se me reformën e re veterinare janë punësuar afro 310 veterinerë të rinj te porsadiplomuar në Universitetin Bujqësor të Tiranës, ndërkohë qeveria sipas saj ka ofruar skema mbështetëse për zhvillimin e mëtejshëm të këtij sektori.