Menjëherë pas transmetimit në Fiks Fare të problemit të emigrantit shqiptar në greqi Arben latifi, i cili ankohej për 48 vjeçaren Manjola Thanasko se e kishte mashtruar duke i marrë 4500 euro për t’i nxjerrë dokumentat e qëndrimit në shtetin grek, reagoi Drejtoria e Policisë Vendore të Vlorës. Drejtoria e Policisë së Vlorës në njoftimin e saj, thotë se specialistët për Hetimin e Krimeve Ekonomike dhe Financiare, në bashkëpunim me Prokurorinë e Vlorës, kanë kryer veprimet e nevojshme procedurale për nxjerrjen përpara përgjegjësisë penale, të 48-vjeçares Manjola Thanasko. Në përfundim të këtyre veprimeve, zonja Manjola Thanasko, u procedua penalisht, për veprën penale “Mashtrimi”. Ajo më pas ka telefonuar në orët e vona të mbrëmjes gazetaren e Fiks Fare duke e kërcënuar atë, emisionit si dhe televizionin Top Channel. " Unë do ju hedh në ajër se jam shtetase greke" shprehet ajo e shumë e shumë kërcënime të tjera, pasi sipas saj i është zbuluar misioni si e infiltruar si agjente e drogës në policinë greke.