Fiksi trajtoi këtë mbrëmje ankesën e një prindi në lidhje me fëmijën e tij që bullizohej nga mësuesja e italishtes. Fëmija është në klasë të 6-të në shkollën "Osman Mydezini" në kryeqytet. Nëna e nxënësit tregon se fëmija i saj ka ankth sa herë ka italisht në shkollë dhe kjo vjen si rezultat i mësueses që e jep këtë lendë. Gjithçka sipas prindit ka filluar kur mësuesja Marsela Dina e ka dëgjuar njëherë denoncuesin ku i thoshte në oborr të shkollës djalit të saj të ndërronte bluzen. "Këtë situatë ajo ia ka përmendur po atë dite në mësim djalit duke i thënë para klasës se nuk ke si mëson me atë mama që ke ti" shpjegon denoncuesja. Një ditë më vonë ajo pohon se mësuesja i ka grisur djalit të saj fletoren e detyrave po në mes të klasës. Fiksi mëson se për mësuesen ka disa ankesa nga prindërit, ndërkohë që psikologia e shkollës thotë se jo vetëm me nxënësit mësuesja është problematike, por edhe me kolegët. Vetë mësuesja mohon të ketë probleme me nxënësit, ndërkohë që nga kolegët ndjehet e diskriminuar. Pretendimin për diskriminim e hedh poshtë vendimi i Komisionit të Diskriminimit i cili pohon se nuk ka diskriminim nga kolegët për mesuesen Marsela Dina.