Shumë afër qendrës së Tiranës pranë shinave të trenit zonjaRamazane Mërzheku ankohet për një problem jetik, ajo 'noton' e jeton mbi ujërt e zeza. Brenda në oborrin e shtëpisë së saj ka gropën septike të ujërave të zeza edhe të tri familjeve të tjera. Ajo prej vitesh kërkon që shkarkimi i tyre të bëhet në tubacionin kryesor dhe jo në oborrin e saj. Por që të bëhet e mundur kjo gjë kërkon një financim që të mund të shtrihen tubacionet e çdo familjeve deri në derdhjen përfundimtare në tubin kryesor. Prej 15 vitesh ajo i është drejtuar me kërkesa të vazhdueshme Ujësjellës Kanalizimeve të Tiranës, Njësisë Admisnitrtative Nr 11 në kryeqytet, Institutit të Shëndetit Publik, ish Inspektoriatit Urbanistik Kombëtar dhe Bashkisë së Tiranës , për zgjidhjen e problemit të ujrave të zeza. Institucionet ia delegojnë problemin njëra tjetrës pa i dhënë zgjidhje.