Në ditë ndërkombëtare kundër dhunës ndaj grave, Preç Zogaj bën të njëjtin apel si këngëtari italin Adriano Celentano “ E shënjta Mari fali burrat që vrasin gratë..’ Për këtë shkrimtari flet në romanin “Nata” një përplasje tragjike fatesh njerëzore të tranzicionit shqiptar.Romani konsiderohet tragjik pasi flet për një baba vrasës dhe mbyllet me vrasjen e një prej personazheve kryesore, 20-vjeçares Mariana. Zogaj në fakt e zbulon që në fillim të narracionit se libri flet për një akt të tillë. Për këtë ai nuk mund të thuhet se është libër misteri edhe pse me titullin “Nata” subjekti lihet i pa-nënkuptuar. Zogaj njihet si shkrimtar lirik, poet, eseist, romancier, por edhe tregimtar. Ajo që dallon në veprimtarinë letrare të Zogajt, sidomos në romane, është vëmendja dhe pozicioni gati-gati denoncues, që ai i kushton figurës së gruas. Ngjashëm ndodh në romanin “Nata”.