SPAK dhe BKH ndryshe nga zgjedhjet e tjera janë pozicionuar në këtë fushatë si garanci e integritetit të zgjedhjeve, me strategjinë e krijuar për të luftuar krimin zgjedhor. Jo më larg se dy ditë më parë në raportimin e tij në Këshillin e Lartë të prokurorisë, kreu i SPAK Altin Dumani tha se ka raportimet konkrete për krime zgjedhore. Arrestimi i një 34-vjeçari në Lushnje për blerje vote konsiderohet si rasti i parë zyrtar i kësaj vepre penale. Ndërkaq, pas një periudhë mbrojtjeje dhe kundërshtie ndaj SPAK, Dumani ka marrë dhe mbështjeten e kryeministrit Rama, por duke theksuar se shpatën ia dha ai. Nuk kaloi shumë dhe në Fier u shënua incidenti i parë mes agjentëve të BKH dhe mbështetësve të Agron Kapllanajt, ish kryebashkiakut të Ballshit. A do të mund SPAK ti rezistojë presionit politik për të hetuar krimin zgjedhor? Sa efektive do të jenë rezultatet e strategjisë së saj? A do ia dalë dot të jetë vërtetë një garantor i integritetit të zgjedhjeve të lira e të ndershme?