Disa muaj më parë, Fiks Fare transmetoi problematikën e një të reje nga Kosova, Sihana Qarkaxhija, e cila ka ardhur prej 15 vitesh në Shqipëri, ka bërë shkollën 5 vite, në punë me kontratë prej 10 vitesh, e martuar me një shqiptar dhe ka një fëmijë 3 vjeç, e cila s’merrte dot pasaportën shqiptare. Zyrat e shtetit e sorollasnin dhe ajo e bashkëshorti i saj, Klaudjo Jonuzaj, endeshin dyert e policisë, ministrisë dhe presidencës. Disa muaj pas transmetimit të këtij rasti në Fiks Fare, Presidenti i Republikës Bajram Begaj ka firmosur dekretin “për dhënie shtetësie shqiptare znj. Sihana Qarkaxhija”.