“Top Story” udhëtoi në Uashington për të realizuar dokumentarin lidhur me financimet ruse për partitë politike në Shqipëri. Për herë të parë dhe ekskluzivisht, gazetarët e “Mother Jones”, sqaruan të gjithë skemën e lobimit të Partisë Demokratike, përfshirjen e disa kompanive ruse dhe procesin e hetimit për këtë çështje. Nëpërmjet dokumenteve u shfaqen detaje të reja të pagesave të kryera nga kompani guaskë, që janë në pronësi të shtetasve rusë. Pjesë e këtij dokumentarit janë intervista me ish-zyrtarë amerikanë, të cilët kanë mbuluar për disa vite problemin e ndërhyrjes ruse në Ballkan. “Top Story”, pasqyrojë gjithashtu protestat që po ndodhin në Malin e Zi dhe Serbi, të cilat rastësisht ose jo, janë zhvilluar në një ditë me protestat në Tiranë. Dokumentari është ndarë në dy seri dhe ky dokumentar është vetëm pjesa parë.