Arsimi është një ndër shtyllat kryesore te programit të Partisë Socialiste ku premtimi kryesor u dedikohet mësuesve. “Në mandatin e tretë rrisim pagat e mësuesve 40 %. Deri 2025 të gjithë drejtuesit e shkollave do te licencohen nga shkolla e drejtoreve”, u shpreh Rama. Mirë arsimimi i fëmijëve dhe të rinjve merr një vëmendje të posaçme duke nisur nga klasa e parë. “Gjuha angleze që në klasën e parë. Do çelim programin kombëtar 10 vjeçar të kodimit për fëmijët 12 deri 18 vjeç. Gjithashtu do çelim programin kombëtar të arteve dhe te zejeve, për të gjithë nxënësit e shkollave te mesme”, tha Rama. Socialistët zotohen ti japin fund deri ne vitin 2025 mësim me dy turne. “Mandatin e trete i japim fund mësimit me dy turne dhe klasave kolektive. Do fuqizojmë programin e kurseve te personalizuara në monitorimin e drejtorisë së përgjithshme arsimore”, shtoi Kryeministri. Mandatin e tretë synohet të marrin jetë edhe 3 kampuse te reja universitare. “ Do i japim jete kampusit Universitar te Tiranes, do përfundoje shpejt kampusi i Universitetit Bujqësor, do nise ndërtimi i kampusit Akademisë së Arteve dhe Akademisë se Sigurisë dhe ai i Universitetit Politeknik të Tiranës”, tha Rama. Pasi u ndal në profilin e kandidatëve të opozitës, Kryeministri Rama beson se shqiptarët e kanë të lehtë kujt ti besojnë. “Ja ku i keni tre ministrat e arsimit (Marku, Vokshi, Gjekmarku). Zgjedhja e qartë o me mua dhe PS pavarësisht huqeve dhe kusureve tona ose me ata rrokapjekthi mbrapsht si guri i Sizifit, me ata që nuk meritojnë një shanc te ri për të udhëhequr Shqipërinë”, tha Kryeministri. Kryeministri premtoi një fond prej 10 milion euro në vit për universitetet publike që të hapin dhe ofrojnë programe te përbashkëta studimi me universitetet europiane në gjuhën angleze. PLANI I VEPRIMIT 2021-2025 -Pagat e mësuesve rriten me 40% -Gjuha angleze në të gjithë shkollat nga klasa e parë -Drejtuesit e shkollave do të licensohen deri më 2025 -Program kombëtar 10-vjeçar të kodimit për fëmijët 12-18 vjeç -Program kombëtar të arteve dhe zejeve për shkollat e Mesme -Edukim fizik nga klasa e parë në Universitet -Zero shkolla me dy turne dhe klasa kolektive -Do përfundojë Kampusi i ri i Universitetit të Tiranë -Do përfundojë Kampusi i Universitetit Bujqësor -Nis Kampusi i Akademisë së Arteve, i Sigurisë, Politekniku -Paketa e programit të Inovacionit dhe ekselencës në manifakturë dhe IT -10 milionë Euro në vit, për Universitetet publike