Fiks Fare denoncoi një skandal brenda institucioneve të drejtësisë, ku një oficere e policisë gjyqësore pranë Prokurorisë së Elbasanit merr një ryshfet prej 1 mijë eurosh. Ngjarja zhvillohet në zyrën e oficeres Anila Dushku, e cila pasi i merr ryshfetin i premton të moshuarës se do “të mbaronte punë”. Disa ditë pas kryerjes së pagesës, në adresën e denoncueses shkon një zarf i prokurorisë ku e njofton se ky organ i ka kërkuar gjykatës të pushojë hetimet, për shkak se vepra penale ndërtim pa leje është amnistuar nga Kuvendi i Shqipërisë. Në vendim, prokurori shkruan se ndërtimet janë pa leje, por ato ndërtime janë bërë para datës 31 mars 2024 dhe vepra penale "ndërtim i paligjshëm" është amnistuar nga Kuvendi i Shqipërisë. Pra, qytetarja i ka paguar OPGj-së shumën prej 1 mijë eurosh, megjithëse vepra penale është amnistuar dhe prokuroria duhet të kishte marrë vendim shumë kohë më përpara!