Edi Rama dhe Sali Berisha, dy politikanët që kanë dominuar plotësisht në dy dekadat e fundit jetën politike në Shqipëri. Herë me debate ekstreme dhe herë me marrëveshje të minutës së fundit, karrierat politike dhe e ardhmja e atyre që aspirojnë politikën është varur pikërisht nga drejtuesit e forcave më të madhe në vend. Sa ka ndryshuar qasja e të rinjve ndaj politikës? A shihet ajo si një formë katapultimi të llojit se mund të kapë ndonjë gjë apo vizion e shpresë rinore për të ndërtuar karrierë në Shqipëri? Po botëkuptimi i këtyre të rinjve, mendimet e tyre për jetën politike, drejtësinë e vendimarrjen në Shqipërinë tonë të vogël? A kanë ata diçka origjinale që pritet t'ia ofrojnë forcave politike ku kanë hyrë, apo përmes gjuhës së kryetarit të partisë do të synojnë të bëjnë karrierë dhe marrin hapësira?