“Nostalgji”, rubrika më e re në kanalin e Top Channel Albania e cila do ju shoqërojë çdo të martë në orën 16:00, Premierë e ku do ju risjellim ndër vite prodhime të Top Channel. Regjisori Dhimitër Anagnosti një nga regjisorët shqiptarë më të rëndësishëm të shekullit XX në një intervistë me moderatorin Adi Krasta, modestisht tregon për filmat, për punën në Kinostudio. Pavarësisht se thotë që nuk I sheh dhe nuk I pëlqen të flasë për filmat e tij, ai mban mend çdo detaj që lidhet me realizimin e tyre. Ndan me publikun pasionet e tij për notin, artin , kinematografinë, krenarinë që ndjen për vendlindjen. Tregon për Enver Hoxhën dhe si ka reaguar ai në lidhje me filmat e tij. Tregon për veshtiresite e krijimtarisë kinematografike gjatë regjimit komunist. Anagnosti flet me emocione te veçanta për marrëdhënien e ngushtë të tij me gruan aktoren e mirënjohur dhe të dashur për publikun Roza Anagnosti dhe vajzat e tij të dashura.