“E dua vendin tim” është një show argëtues. Në këtë puntatë vihen përballë njëri tjetrit dy skuadra me personazhe të njohura që konkurojnë me njohuritë e tyre mbi artin, televizionin, muzikën, historinë, traditën, zakonet, kulinarine, gjuhësine dhe të tjera kuriozitete. Përballja e kësaj puntate do të jetë: Skuadra e Krujës Vs Skuadra e Vlorës. Jonida Maliqi është kapitenia e skuadrës së Krujës. Skuadra e saj përbëhet nga Anjeza Maja, Besart Kallaku dhe Besim Zekthi. Kapiten i skuadrës së Vlorës është Marin Orhanasi, me anëtarë të ekipit Kejsi Tola, Artur Dhamo dhe Afrim Agalliu. Fituesja e kësaj puntate është skuadra e Krujës. Rivaliteti midis tyre është jo vetëm në pjesët humoristike të emisionit, por shërben edhe në demonstrimin e qëllimit të këtij programi. Qëllimi i tij është patriotik edhe edukativ. Emisioni ka shumë elementë nostalgjikë dhe iu kujton shqiptarëve historinë e artit, të filmit, dhe të muzikës shqiptare. Është edukativ sepse ndan fakte të ndryshme mbi Shqipërinë. Rregullat janë të qarta, por edhe elastike. Kjo krijon një ambient të këndshëm, ku lojtarët dhe audienca kënaqen duke kujtuar historinë dhe duke zbuluar kuriozitete të reja mbi vendin e tyre. Një nga faktorët që gjallëron vazhdimisht lojën është që një pjesë këngëve të përmendura gjatë programit këndohet nga banda e emisionit ose nga këngëtarët qe dalin në skenë. Ky program prezantohet nga Xhemi Shehu. Kjo puntatë është transmetuar për herë të parë më 25 Nëntor 2012.