Ksenofon Dilo- Peizazh i abstraguar, vaj në kanavacë, 70x60 cm, vitet 2000, çmimi fillestar 3000 euro. Kontaktoni në 00355686047773 Piktor, skenograf, grafist, dizajn. Mban titullin “Piktori Merituar”! Piktori Ksenofon Dilo ishte pjesë e artistëve të Realizmit Socialist të cilët u përgatitën në Akademitë lindore të kampit Socialist në Pragë-Çekosllovaki, ku ishte dhe studenti i parë në artet figurative për skenografi. Ai ushtroi ndikimin e tij në krijimit e kontakteve me literaturën perëndimore që vinte në ato vite në bibliotekën e specializuar të Intitutit te Larte te Arteve (ILA),Tiranë. Në pozicionin e drejtuesit të Lidhjes se Shkrimtarëve dhe Artistëve të Shqipërisë (LSHA) në vitet para mbajtjes së Pleniumit të IV të KQPPSH, ai u dënua si një Drejtues me prirje liberale, drejt artit perëndimor “borgjezo – revizionist”. Artisti Dilo ishte një skenograf dhe piktor me prirje novatore, dekorative moderne. Ai ka marrë pjesë në të gjitha veprimtaritë Kombëtare dhe Ndërkombëtare të kohës. Ksenofon Dilo është themeluesi i skenografisë filmike moderne shqiptare.