Artisti shqiptar Ardian Isufi, ka përgatitur një ekspozitë vetjake në mjediset e Teatrit Kursaal, në Bari të Italisë. Ekspozita është kuruar nga Gaetano Centrone ndërsa projekti drejtohet nga Elton Koritari. E titulluar “Ëndërr metalurgjike”, ekspozita vjen si një kurorëzim i punës së realizuar në ekspozitat e fundit “Fraktura” (ndërhyrje specifike në burgun e Spaçit, Shqipëri 2023) dhe “Konspiracioni i Tiranës” (Galeria Kombëtare e Arteve të Kosovës, Prishtinë, 2022). Kjo ekspozitë synon të rikthejë në mënyrë gjithëpërfshirëse kërkimin e artistit, figurën e tij dhe veprën e gjerë, dhe në të njëjtën kohë të nënvizojë pozicionin e urës me Lindjen që Pulia mban historikisht në Mesdhe. ArtKand është një program televiziv në formën e një ankandi veprash arti. Piktura, skulptura, antikuare e çdo vepër arti mund të bëhet pjesë e programit. Për ty artist, koleksionist apo menaxher arti që po kërkon një vend ku të shesësh. Apo për të gjithë ju qe doni të zotëroni veprat më të mira të artistëve tanë. ArtKand është dritarja e duhur! Autore dhe moderatore: Jetona Kocibelli I ftuar: Ardian Isufi