Një tjetër denoncim ka mbërritur ndaj tregtares Adile Gjeleshi, e cila akuzohet nga fermerë të ndryshëm se u merr prodhimet dhe nuk u jep pagesat. Pas rastit të transmetuar në Fiks Fare, ku një banor nga Kuçova pretendoi se nuk ishte paguar për pula dhe vezë (rast që u zgjidh vetëm pas transmetimit), një tjetër qytetar nga Belshi thotë se prej muajit korrik nuk ka marrë 500 mijë lekë për vajin e ullirit që i ka dorëzuar. Sipas tij, me ato të ardhura jeton bashkë me bashkëshorten, ndërsa pretendon se është përballur me justifikime dhe premtime të vazhdueshme pa marrë asnjë pagesë. Ai shprehet se nuk i është drejtuar policisë për shkak të kostove dhe pamundësive ekonomike për të ndjekur procese gjyqësore. Në një bisedë telefonike, ai pretendon se tregtarja i ka thënë: “Po më çove te Fiksi, vetëm në varr i merrni lekët”.