Një skandal është shënuar në Gjykatën e Tiranës të premten ( 3 maji) ku gjyqtarja Armela Hasantari ka vendosur të lërë në masën e sigurisë ‘detyrim paraqitje’ 28-vjeçarin Jurgen Cela, i cili dy ditë më parë aksidentoi rëndë 28-vjeçaren,Neli Lleshi, kameramane në Top Channel. Nën efektin e alkoolit dhe duke drejtuar mjetin në kundërvajtje në Rrugën e Durrësit, Jurgen Cela rreth orës 1:30 pas mesnate përplasi 28-vjeçaren e cila po kthehej nga puna me motor. Pasi e hodhi dhjetëra metra në ajër, Jurgen Cela nga Fushë Kruja u largua nga vendngjarja, duke mos i ardhur në ndihmë të aksidentuarës, të cilën disa kalimtarë e çuan në spital. Gjykata e Tiranës vendosi ta lirojë 28-vjeçarin pa asnjë argument. Pavarësisht se për Policinë Rrugore të Tiranës dhe Prokurorinë e kryeqytetit, Jurgen Çela është plotësisht fajtor për rastin, Gjykata e caktoi për të masën detyrim paraqitje. Gazetare: Luçiana Hulej Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj