Kjo fushatë elektorale për zgjedhjet lokale ka këngë, ku i këndohet shoqërisë dhe dashurisë dhe ecje vetëm përpara. PS në pushtët në zgjedhjet e reja lokale do të çojë para projektet e nisura. Dhe të mbjellë më shumë pemë. Në kampin kundërshtar, flitet dhe mbrapsh në rrjetet sociale, pasi janë premtuar autobusë falas për qytetarët e Tiranës nëse kandidati i Rithemelimit vjen në krye të pushtetit lokal të kryeqytetiit. Nga ana e Alibeajt, me vulën dhe siglën, fushata nis më 18 prill me sloganin “Frymëmarrje për Shqipërinë”. Berisha dhe Meta bashkuan forcat dhe me sloganin “Bashkë Fitojmë” gërshetuan ngjyrat blu dhe jo të kuqen e Partisë së Lirisë, por rozë. Rrjetet sociale janë plot me livestream, reklama politike, kandidatë që reklamojnë veten e tyre. Një trend në rritje gjatë fushatave të viteve të fundit. Nga ana tjetër është publiku, që frekuenton rrjetet sociale dhe mund të ndjekë kandidatët sipas preferencave politike. Por ajo që mungon, edhe në këtë fushatë për zgjedhjet e 14 majit është një përballje e kandidatëve dhe partive të platformave të tyre. Si dikur, përballë njëri-tjetrit. A do flasin dhe kur do flasin përballë njëri-tjetrit? Me shumë gjasa, JO! (Ardi Pulaj)