Nuk mund të kishte vigjilje më të mirë për samitin e komunitetit politik europian për kryeministrin Edi Rama se deklarata e Presidentit të Këshillit Europian, Antonio Costa. "Nese ecet me kete ritem, Shqipëria mund të futet në BE para vitit 2030", tha ai. Ky i fundit u prit nga i pari i qeverisë në një takim një ditë para nisjes së samitit. Costa nuk ishte i vetmi që pati një takim zyrtar me Ramën, pasi dhe kryeministri i Britanisë së Madhe, Keir Starmer, ka folur në një konferencë për shtyp pas vizitës. Starmer vjen në Shqipëri pas fitimit të pushtetit në Britani. Shqipëria do të presë të premten samitin e komunitetit politik europian që do të zhvillohet për herë të parë në Tiranë. Liderët e kontinentit do të jenë të gjithë prezent në kryeqytetin tonë, që i besohet organizimi i një takim të përmasave të tilla për nga rëndësia.