Gjykata Kushtetuese ka në duar dy prej vendimeve më të rëndësishme politike në të momentit sa i takon zhvillimeve brenda mazhorancës për hetimet nga ana e SPAK dhe gjykimeve në GJKKO, ate ndaj Belinda Ballukut dhe Erion Veliajt. Sot duhej të vendosej në lidhje me fatin e zv.kryeministres dhe ministres së infrastrukturës, Belinda Balluku, pas ankimimit që ka bërë kryeministri Edi Rama, se GJKKO nuk mund të pezullojë nga detyra një ministre, pasi penalizohet puna e ekzekutivit dhe GJKKO në këtë rast ka tejkaluar kompetencat e veta. Kushtetusja nuk u shpreh duke cuar gjykimin e çështjes më 2 dhjetor. Arsyeja është largimi nga gjykata i Holta Zaçajt, e cila u zëvendësua nga Asim Vokshi. Ish-kreu i kësaj gjykate, Zacaj, ishte pjesë e Kolegjit që do të trajtonte dosjen “Balluku”. Marsida Xhaferllari, gjyqtarja që e zëvendësoi, kërkoi kohë që të njihej me aktet. Gjykata e Posaçme pezulloi nga detyra zv/kryeministren dhe ministren e Infrastrukturës dhe Energjisë, duke i ndaluar gjithashtu të drejtën për të dalë jashtë vendit. Ajo është marrë pandehur për procedurat në tenderin e tunelit të Llogorasë dhe është nën hetim për tenderin e lotit 4 të Unazës së Madhe. Erion Veliaj po ashtu i është drejtuar kushtetueses, pasi kërkon ti hiqet masa e arrestit me burg. Kryebashkiaku Veliaj mbahet prej 9 muajsh në burg dhe sipas tij, ky denim, nuk është kushtetues. Avokatët i dorëzuan Gjykatës Kushtetuese kërkesën për shfuqizim të masës arrest në lënë në fuqi nga dhjetë shkurti prej të treja shkallëve të gjyqësorit.