Fiks Fare denoncoi një tjetër problematikë për ndërtimin e HEC-eve, kësaj herë në zonën e Martaneshit, në Bulqizë. Firma “Teodori 2003” pas 7 vitesh ndërprerje ka filluar punimet pa leje për devijimin e ujërave të Basenit të Matit drejt Basenit të Drinit. Kjo gjë ka revoltuar banorët të cilët pohojnë se “ Po na marrin ujin, po na marrin jetën”. Fiksi pa gërmime në një sipërfaqe të madhe pa asnjë tabelë punimesh. Ishte hapur tuneli, trasetë apo edhe kanalet. Po tentohej të merrej uji nga Liqeni i Sopajt. Drejtori I Basenit Ujor Ishëm-Erzën-Mat deklaroi se firma nuk është e pajisur me leje nga KKTU.