Një automjet i bllokuar nga policia lëvizte lirisht në qytetin e Fierit, kur duhej të qendronte te pika e bllokimit e Policisë së Shtetit. Automjeti tip “Fiat” iu bllokua një banori të Fierit, pasi u kap me 1 cigare hashash për përdorim personal. Por, pronari e ka parë në lëvizje. Madje, polici që duhet t’a ruante i thotë se e morën në Komisariat. Pas denoncimit, djali shkoi te pika e bllokimit. Takon punonjësin e policisë dhe e pyet se e ka parë makinën në lëvizje në Fier dhe nëse ka ndonjë dokument a procesverbal se përse ka lëvizur. Ai pranon se mjeti ka lëvizur nga pika e bllokimit, por nuk jep detaje. Edhe Fiksi interesohet pranë pikës së grumbullimit ku punonjësi pranon se makina ka dalë dhe se ka shkuar në komisariat. Ndërkohë që OPGJ-ja që ka sekuestruar makinën nuk është në dijeni.