Aleate po, mike kurrë: I vetmi moment kur Shtetet e Bashkuara të Amerikës dhe Rusia bashkuan forcat ishte gjatë Luftës së Dytë Botërore: aleanca e tyre nga viti 1941 deri në 1945-tën u konsiderua thelbësore në mposhtjen e Gjermanisë Naziste. Pa përpjekjet e jashtëzakonshme të Bashkimit Sovjetik në Frontin Lindor, SHBA-ja dhe Britania e Madhe, të vështirë do ta kishin pasur vulosjen e një fitoreje vendimtare mbi gjermanët. Dokumente që ishin mbajtur sekret për dekada me radhë treguan se Bashkimi Sovjetik kishte propozuar që në vigjiljen e shpërthimit të konfliktit dërgimin e një force të fuqishme ushtarake në përpjekje për të joshur Britaninë dhe Francën drejt një aleance anti-naziste. Një pakt i tillë mund të kishte ndryshuar rrjedhën e historisë së shekullit të 20-të, duke penguar ujdinë e mëpasshme të Hitlerit me Stalinin, që i dha atij lirinë të niste luftën me fqinjët e tjerë të Gjermanisë.