Ende pa u tharë mirë boja e marrëveshjes që ministri I jashtëm turk, Mevlut Cavusoglu firmosi në Tripoli me qeverinë libiane të unitetit kombëtar për eksplorimin e përbashkët të rezervave të hidrokarbureve në ujërat bregdetare dhe në territorin kombëtar të Libisë, homologoi I tij grek, Nikos Dendias u hodh me një reagim të rrufeshëm të sfidonte legjitimitetin e ujdisë. Edhe ky pakt, sipas shefit të diplomacisë së shtetit Helen, cënonte, ujërat greke. Në krah të Athinës, që vazhdimisht I hedh sytë nga aleatët sa herë acarohen marrëdhëniet e saj me Turqinë, doli sërish BE-ja me kundërshtimet ndaj memorandumit të eksplorimit të energjisë. Ankaraja nuk I la as ajo pa përgjigje. “Blloku europian dhe vendet e tij anëtare nuk duhet të kapërcejnë kufijtë dhe limitetet e fuqisë së tyre”, ishte komenti i saj.