Nga të gjitha marrëdhëniet e Presidentit të zgjedhur amerikan Donald Trump me liderët botërorë, ajo me presidentin rus Vladimir Putin mund të jetë më e rëndësishmja dhe më e vështira. Kritikët druhen se Trumpi do të bjerë pre e ish oficerit të KGB-së në lidhje me luftën e Rusisë kundër Ukrainës dhe të ardhmen e NATO-s. Disa thonë megjithatë, se në përpjekjen e tij të verbër për ta kthyer Ukrainën në një shtet vassal, lideri rus mund ta kalojë cakun, e Trumpi nuk do të donte ndoshta të shkonte deri aty, nëse gjë e tillë e bën të duket si humbës.