Ta verifikojë apo ta shkatërrojë: Kjo duket se është sot dilema e madhe e Donald Trumpit për programin bërthamor të Iranit. Kreu i Shtëpisë së Bardhë i cuditi të gjithë kur njoftoi në Zyrën Ovale gjatë një takimi me kryeministrin izraelit Benjamin Netanyahu se bisedime të drejtpërdrejta të nivelit të lartë për programin bërthamor të Iranit, ishin caktuar të mbaheshin në 12 prill në Oman. Për formatin e negociatave, pati ca përplasje: Ndryshe nga Trumpi, ministri i Jashtëm Iranian Abbas Araqxhi e pa të udhës të sqaronte në pikë të natës, me orën e Teheranit, se bisedimet në fakt, nuk do të ishin direkte. Por përtej fasadës së tyre, fshihet në të vërtetë një debat më i thellë strategjik: Çfarë duan të bëjnë saktësisht Shtetet e Bashkuara me programin bërthamor të Iranit - ta mbikëqyrin rreptësisht apo të tentojnë mbylljen e tij, cka nuk do të ishte sidiqoftë dhe kaq e lehtë…