Doktrina e re e Gjermanisë është e qartë: Të zvogëlohet shkalla e aksioneve jashtë kufijve me qëllimin që fokusi të spostohet tek mbrojtja europiane dhe ajo kombëtare. Duhet të jemi gati për luftë, është mesazhi i përcjellë përmes kësaj nisme, e që ka ngjallur jo pak shqetësim. Në atë që përbën kthesën më të madhe të prioriteteve gjermane të mbrojtjes që prej 2011-tës, udhëzimet e reja të Berlinit përfshijnë kërkesën që ushtria e vendit të jetë sërish e aftë për luftë”. Reagimet qenë të menjëhershme kur ministri i mbrojjes Boris Pistorius(SPD) përmendi termin (kriegstüchtig - që mund të përkthehet si i aftë/gatshëm për luftë) dhe hapi një diskutim publik me intervistat e javës së kaluar. Tani është e qartë përse: aftësia luftarake e Gjermanisë duhet të bëhet një maksimum, një udhëzues për veprim dhe një kuptim i ri i Bundesëehrit. Në "Udhëzimet e reja të Politikës së Mbrojtjes", kjo shprehje përmendet gjashtë herë.