Në kohën kur agresioni brutal i Rusisë vazhdon shkatërrimin e vendit fqinj, Kremlini është kujdesur që në të njëjtën kohë të lërë hapur dhe aparatin e propagandës që synon skicimin e synimeve të tij për atë që e konsideron si armikune vet më të madh: SHBA-në. Së fundi, zyrtaret amerikane të inteligjencës pohuan se presidenti rus Vladimir Putin mund të përdorë mbështetjen që administrata Biden i ka dhënë Ukrainës, si pretekst për të urdhëruar një fushatë të re ndërhyrjesh në zgjedhjet e SHBA. Associated Press e nënvizoi se “nuk është ende e qartë se cilët kandidatë mund të përpiqet të promovojë Rusia ose cilat metoda mund të përdorë". Por në emisionin “ Mbrëmja me Vladimir Soloviev”, i transmetuar në televizionin shtetëror, ekspertët e përkëdhelur të Putinit ofruan një përditësim mbi planet për vitin 2024.