Lufta e harruar e Europës, ajo mes Ukrainës së mbështetur nga Europa dhe Republikave të Donjeckut e Luhanskut të sponsorizuara nga Rusia, që për fushëbeteje kishte rajonet lindore ukrainase, u mbajt në fre për disa vjet. Pavarësisht shpalljes së një armëpushimi zyrtar në 2015-tën, shkëmbimi sporadaik I zjarrit dhe predhat nuk reshtën asnjëherë, por u kthyen në realitetin e përditshëm të popullsisë lokale. Konflikti I shpërthyer në 2014-tën, e në dukje I frenuar, në fakt, ishte thjesht në pritje të përshkallëzimit. Donbasi është sot një nga pikat e konfliktit mes lindjes dhe perëndimit, midis përpjekjes së Putinit për të rivendosur kontrollin dhe aspiratës në rritje të ukrainasve për t'iu bashkuar grupit të demokracive europiane. Por përse ky rajon ka një rëndësi kaq të madhe për të dyja palët?