Në fillimin e muajit të kaluar, nëndetësja shkatërrimtare bërthamore e marinës amerikane USS Indiana u ngjit përmes akullit të Arktikut drejt sipërfaqes së mbuluar nga dëbora. Gjigandi i hekurt nënujor ishte atje si pjesë e ICE CAMP 2024, një stërvitje e rregullt përmes të cilës Shtetet e Bashkuara dhe aleatët e tyre vendosin një prani të përkohshme në sipërfaqen e akulltë të Arktikut, në një demonstrim force kundër kërcënimit rus. Për të gjetur pjesën e akullit mjaftueshëm të hollë për t'u depërtuar, drejtuesve të nëndetëses u është dashur të manovrojnë në një të carë prej vetëm 5 apo 6 metrash mes akullit dhe majës së kullës së saj lidhëse – një proces ky gjithmonë i tensionuar, por manovra është e nevojshme: Erërat e Luftës së ftohtë po fryjnë sërish, dhe nëndetësët atomike kanë ndezur motorët për përplasje sekrete poshtë dallgëve.