Deri përpara pak kohësh, në lajmet ndërkombëtare, Hong Kongu zinte vend kryesisht si qyteti I milionerëve, si njëra prej zonave më të shtrenjta të botës e herë pas here, kishte dhe ndonjë raportim për marrëdhënien e vështirë me Kinën kontinentale, e cila ka ardhur duke u tensionuar që prej fillimit të viteve 2000. Por sot, Hong Kongu është kthyer në sinonimin e dickaje tjetër pervec luksit dhe dritave që e kthejnë mbrëmjen e tij në një spektakël magjepsës ngjyrash e jete që gjallon. Emri i qytetit tani njehsohet me protestat masive që tronditën një qetësi dhe rehati dhjetëra vjecare, të cilën demonstruesit tani po kërkojnë që ta mbrojnë me forcë. Brenda më pak se gjashtë muajve, kjo qendër financiare globale, e njohur në mbarë botën për efikasitetin dhe pragmatizmin e saj, është konsumuar nga tërbimi dhe dhuna. Operacioni më i fundit policor - bastisja e një kampusi universitar, ku gazit lotsjellës të policisë dhe plumbave të gomës studentët iu përgjigjën me shishe benzine, bëri që vendi perreth kolegjit t`i ngjante më shumë një fushëbeteje. Protestat e nisura në muajin qershor kundër planeve për të lejuar ekstradimet në Kinën kontinentale, kërkojnë të mbrojnë lirinë. Kritikët druheshin se kjo do të minonte pavarësinë e gjyqësorit e do të vinte në rrezik disidentët.