MacKenzie Scott, ish bashkëshortja e themeluesit të Amazon Jeff Bezos dhe punonjësja e parë e perandorisë së tij të shitjeve online, po e ndryshon librin e filantropisë. Teksa Jeff e nisi nga hici ngritjen e Amazon në një garazh të thjeshtë, për ta kthyer në njërën prej kompanive më të fuqishme të botës, pak dihej për partneren e tij, MacKenzie, shkrimtare, nënë e katër fëmijeve, dhe njeriu që dha një ndihmesë të pacmuar që Amazon të merrte hov në fillesat e veta modeste për tu shndërruar në gjigandin që njohim sot. Edhe pas divorcit të bujshëm vitin e kaluar, shoqëruar nga një aferë publike e skandal tradhëtie bashkëshortore, MacKenzie - që pas ndarjes mori sërish mbiemrin e saj, Scott-, mbeti një figurë e tërhequr, që nuk lufton për vëmendje. Sot, është një prej grave më të pasura të botes. Në korrik, njoftoi se do t`I dhuronte 1.7 miliardë dollarë një sërë organizatave jofitimprurëse, përfshirë kolegje historikisht me ngjyrë. Një dhurim befasues në përmasa e qasje, te cilin e perseriti se fundi: Scott po linte shenjën e saj me një lloj të ri filantropie.