Greqia dhe Turqia pranuan t`i japin fund një ngërci 5 vjecar e të rikthehen në tryezën e negociatave, të braktisura që prej 2016-tës. Ishte një lajm që bëri menjëherë bujë në mediat ndërkombëtare. Në fund të fundit, po flitet për dy vendet, tensionet mes te cilave vitin e kaluar u përshkallëzuan aq shumë sa i cuan në prag të konfliktit të armatosur. Por ndërsa Ankaraja përdori tone mjaft më të zbutura, Athina u shfaq sfiduese. Ajo u pajtua vetëm me bisedime, në të cilat sic tha, kërkon të diskutohen vetëm temat që propozon ajo, në të kundërt do ta lërë tryezën e negociatave. Kur tensionet u përflakën vitin e kaluar, Greqia nxitoi të kërkonte ndihmën e komunitetit ndërkombëtar dhe e nxiti BE-në për sanksione ndaj Turqisë. Por anëtarët e bllokut, këtu nuk pajtohen të gjithë njëzëri. Atëherë, nga e merr sot Athina këtë vetëbesim?