Albin Kurti u shfaq si “fëmija i bindur” i Perëndimit pas vulosjes në Ohër të marrëveshjes së normalizimit të marrëdhënieve e cila në fakt, duket se në të vërtetë, qe e parehatshme si për Prishtinën, ashtu edhe për Beogradin, por që në presionin e ndërkombëtarëve- i cili erdhi si me oferta joshëse për një të ardhme të ndritur për të dyja vendet, ashtu edhe me kërcënime për pasoja- u pranua më shtrëngime dhmëbësh nga të dy krahët. Gjembi që ajo ujdi nguli në shpinën e Kosovës ishte diktati i themelimit të Asociacionit të komunave më shumicë serbe, për të cilin kryeministri druhet se mund të kthehet në një shtet brenda shtetit. Vucici vetë, vazhdoi të mburrej me faktin që nuk kishte nënshkruar asgjë. Marrëveshja e detyronte Serbinë të mos pengonte anëtarësimin e Kosovës në organizatat ndërkombëtare, por se cili është qëndrimi i vërtetë i saj në lidhje me këtë, kjo u pa qartë në deklaratat e mëvonshem të krerëve të shtetit serb.