Njerëzimi është rrethuar vazhdimisht prej viruseve. Ndaj disa mendojnë se frika që ka pushtuar një pjesë të mirë të njerëzve, është e ekzagjeruar. Por realiteti po tregon dicka tjetër: numri i viktimave sa vjen e shtohet. Ata nuk janë më vetëm të moshuar e të sëmurë, sic u tha fillimisht. Në vende të ndryshme, virusi i ka marrë jetën dhe moshave më të reja; në kosën e tij kanë përfunduar edhe njerëz në dukje të fortë e të shëndetshëm. Sipas të atit, Emmanuele Renzi, viktima më e re në Romë, nuk kishte asnjë problem tjetër shëndetësor. 34 vjecari nuk pinte as duhan. Italia ishte vendi i parë i Europës që u përball me furinë e sëmundjes. Ndaj dhe e gjeti aq të papërgatitur; autoritetet italiane nuk e dinin cfarë i priste. Por brenda një kohë të shkurtër, edhe Spanja po kthehet në një pasqyrë të saj me qindra vdekje në ditë. Si arriti në këtë pikë, kur duhet ta dinte tashmë me cfarë po përballej? Cilat ishin gabimet e mëdha që bënë spanjollët?