Nuk mjaftuan vecse pak ditë që Italia të përballej me një shpërthim të vrullshëm sëmundjes, duke kërcënuar dhe vendet e tjera për shkak të një faktori thelbësor kur vjen fjala tek gjeografia e përhapjes së virusit: lëvizjet. Deri edhe rasti I parë I virusit I shënuar në Amerikën Latine, një resident braziljan, sapo ishte kthyer dhe ai nga Italia. Me qindra raste të prekurish dhe vdekjet që shtohen dita ditës, fqinji ynë përtej Adriatikut u shndërrua sa hap e mbyll nga një vend i sigurtë dhe ndër të parët që futi kontrollet e rrepta në aeroporte, në makthin e të gjithëve. Cfarë ndodhi? Përse u mbërrit deri këtu? OBSH-ja e pranoi se ndoshta të gjithë vendet duhet të përgatiten për shpërthime të epidemisë, kaq forcë të madhe përhapjeje ka ky virus. Por a mund të frenohet ai? Apo është shumë vonë?