Pak ditë më parë, Reuters citonte një raport të brendshëm kinez, sipas të cilit Pekini përballet me një valë në rritje armiqësie në sfondin e shpërthimit të pandemisë së koronavirusit. Raportin ia kishte paraqitur muajin e kaluar Ministria e Sigurisë së Shtetit liderëve më të lartë në vend, përfshirë dhe vetë presidentin Xi Jinping. Burime që e njihnin përmbajtjen e tij, por që për shkak të ndjeshmërisë së cështjes nuk mund të identifikoheshin, thanë se aty mbërrihej në përfundimin se ndjenjat globale anti-Kinës janë në pikën e vet më të lartë që prej shtypjes së përgjakshme të protestës së vitit 1989 në sheshin Tiananmen. Këtë dallgë pakënaqësie, sic theksohej në tekst, e udhëheqin Shtetet e Bashkuara të Amerikës në vazhdën e përhapjes së koronavirusit. “ Për rrjedhojë, Pekini... duhet të përgatitet për skenarin më të keq të një konfrontimi të armatosur mes dy fuqive globale….” nënvizohej ne raport.