Me një ngjitje të rrufeshme në sondazhe dhe median që i do e i përkëdhel, shifrat për të Gjelbrit në Gjermani, kanë marrë zjarr. Pasi zgjodhën kandidaten e tyre për kancelare, bashkëkryetaren e partisë Annalena Baerbock, mbështetja për ta mbërriti majat e në disa sondazhe, kapërcejnë madje edhe vetë kristiandemokratët e Angela Merkelit, blloku i qendrës së djathtë që e qeveris vendin prej 16 vjetësh. Nëse të gjlebrit do të arrijnë të ruajnë këtë ritëm deri në zgjedhjet e shtatorit, atëherë nuk janë të pakta mundësitë e një tërmeti politik në Gjermani, lëkundjet e të cilit të ndihen në të gjithë kontinentin. Po si u arrit deri këtu? Cfarë e ndihmoi ngritjen e kësaj partie që deri përpara disa kohësh ishte një forcë periferike? Faktorët janë disa, por një prej tyre është më befasuesi: vetë Merkeli dhe një gabim që bëri ajo e që sot, po i kushton pushtetin partisë së vet.