Joe Biden i mori në dorë frerët e Shteteve të Bashkuara me në mendje zhbërjen e disa politikave të paraardhësit. Riparimi i marrëdhënieve të Amerikës me partnerët ndërkombëtare ishte në krye të listës së prioriteteve. Por me fqinjin jugor, Meksikën, duket se kjo është më e lehtë të thuhet sesa të bëhet vërtet. Trumpi shkaktoi indinjatë të madhe me etiketimin polemizues të bërë meksikanëve gjatë fushatës së vet elektorale si “ hajdutë, si njerëz që sjellin me vete drogë e krim”, e me ndërtimin e murit kufitar që duhet të frenonte fluksin e emigrantëve të paligjshëm. Bideni nuk është aspak I prirur të ndjekë të njëjtën linjë. Por faktet janë kokëforta. Përpos të qënit njëri prej partnerëve më të mëdhenj tregtarë të Amerikës, Meksika është në të njëjtën kohë burimi më I madh I trafikimit të heroinës, kokainës dhe metamfetaminës në SHBA. Të dy vendet ndajnë padyshim mes tyre interesin e përbashkët për të rrudhur fuqinë e karteleve të drogës. Në përpjekjet e tyre megjithatë, Shtetet e Bashkuara kanë ndeshur në një problem për të cilin nuk para flitet hapur: vete qeverinë meksikane.