Emisioni Fiks Fare solli rastin e një qytetari nga fshati Çiflig i Urës Vajgurore, i cili kërcënohej nga një polic se do ta nxirrte nga shtëpia. Kastriot Hoxha tregoi për Fiksin se para 7 vitesh ka blerë një shtëpi, për të cilën disponon certifikatë pronësie, por sapo e ka blerë , një polic i Komisariatit të Policisë së Urës Vajgurore , i cili njëkohësisht është edhe vëllai i komshies së zotërisë, e kërcënon se do ja shembin shtëpinë. Kjo sipas denoncuesit ndodh se që kur ka blerë shtëpinë polici i ka kërkuar 3mln lekë ryshfet për mos ta ngacmuar, gjë të cilën z.Hoxha nuk e ka bërë pasi ka qenë me dokumentacion të rregullt. Mosdhënia e këtij ryshfeti ka sjell më mbrapa edhe përkeqësimin e situatës me kërcënime nga më të ndryshmet. Në Komisariatin e Policisë në Urën Vajgurore thonë se duan prova se ndryshe nuk kanë çfarë i bëjnë kolegut të tyre.