Kripa e zezë që prej vitit 2008 është e ndaluar të përdoret për konsumim human. Pavarësisht kësaj kripën e zezë të pajodizuar e gjen në cdo market apo treg. Nga ana tjetër konsumatori është i painformuar se çfarë problemesh shkakton në organizëm kjo kripë. -Kripën e zezë për cfarë e përdorni? Për të ngrenë. -Për kripën e zezë thonë që ka pak jod dhe është e dëmshme. Po unë kam 50 vjet që e përdor, jam 75 vjec dhe kam super shëndet. Kripa e zezë nuk të bën keq. -Për cfarë e përdorni? Për këto zahiret e dimrit. Kripën e zezë e përdorim për turshi. -E dini që është e dëmshme? E dim, por nuk e përdorim vetëm për tushi pak. GAZETARJA: Përse kripa e zezë është e ndaluar të tregtohet për përdorim human dhe shtazor? Sa i rëndësishëm është jodi? H.BASHA: Jodi është shumë i rëndësishëm sepse shfaqet hipoteroidizmi, në rastet kur nuk marim mjaftueshëm jod. E para ndikon shumë në fetilitetin tek femrat. Pa diskutim që zhvillimi i skeletit i kockave është i pamundur të arrihet në standardin e lejuar. Hormoni i rritjes nuk funksionon mirë nëse jodi nëse jodi nuk është në nivelet e lejuara.” Organizata Botërore e Shëndetit ka nxjerr përfundimin që mungesa e jodit sjell probleme mentale. ” Në qoftë se fëmijët e vegjël nuk marin sasinë e duhur të jodit atëherë ata do të kenë të gjitha shenjat e para të një deficence të lehtë. Ata do të jenë të lodhur, apatik jo të gjallë për të bërë aktivitetin e tyre të përditshëm. Por nëse kjo deficencë është e rëndë shkon deri në prapambetje mendore. ” Një tjetër arsye se përse kripa e zezë duhet hequr nga kuzhina,janë metalet e rënda. ” Përpos kësaj kripa e zezë përmban sasi të lartë të mineraleve të rënda. Të cilat do të kishin efekte jo pozitive në organizmin tonë. Duke filluar që nga ndryshimet e presionit arterial dhe prezenca e sëmundjeve të sistemit nervor. ”