Top Story – Një emision politiko-investigativ që transmetohet çdo të Mërkurë, në Top Channel – 09.12.2019 - Emisioni i plotë "Krimi i internetit", është kjo tema investigative që Top Story zgjodhi për të nisur vitin 2019. Në këtë film, Top Story pasqyron sesi biznesmenë shqiptarë janë grabitur në shuma të mëdha nga hakerat, klonimin e kartave, mashtrimet me blerjet online apo shantazhet në rrjetet sociale, që kanë dëmtuar miliona njerëz. Pedofilia, bullizimi dhe abuzimet seksuale online janë disa nga krimet që prekin të rinjtë shqiptarë e që Top Story nuk le pa sjell rastet konkrete. Top Story gjithashtu në këtë film ka pasqyruar hakerat më të tmerrshëm që historia ka njohur. Ata, kanë arritur të realizojnë sulme shumë më të sofistikuara, duke ndërhyrë edhe në sisteme tepër të mbrojtura siç janë ato të ushtrisë amerikane. Përveç këtyre, Top Story tregon edhe mënyrat sesi të ruhemi nga sulmet e hackerave.