Në datën 18 shkurt 2025, Fiksi denoncoi problematikat e qytetarëve që u prekën nga ndërtimi me koncesion i rrugës me pagesë Thumanë–Kashar. Megjithëse aksi është vënë në qarkullim dhe firma po vjel paratë nga përdoruesit e rrugës, dhjetëra banorë të fshatit Bërxullë në Tiranë enden në dyert e institucioneve. Kujtim Zeneli kishte një banesë në proces legalizimi. Firma ia prishi, pasi dilte në gjurmën e rrugës. Nuk i dha asnjë qindarkë. I mori mbi 1000 metër katrorë pronë, që e kishte të certifikuar dhe shteti i dha 500 mijë lekë. Ndërtimi i rrugës i prishi edhe rrugën për në tokë. Por jo vetëm kaq Kujtimi nuk ka marrë asnjë kacidhe edhe pse i takonin 3 vite qira! Pas transmetimit të kësaj problematike në Fiks Fare, firma koncesionare ka hapur rrugën jo vetëm për Kujtimin, por edhe për 16 banorë të tjera.