Kisha Orthodhokse Autoqefale e Shqipërisë mesazh për Krishtlindjet
23/12/2019 21:55

Pak më shumë se 24-orë na ndajnë nga Krishtlindjet. Peshkopi i Kishës Autoqefale, Janullatos ka publikuar një mesazh urimi. Krishtlindje 2019 PAJTIMI Në Krishtlindje, në të kremten e madhe të ardhjes së Birit dhe Fjalës së Perëndisë brenda njerëzimit, kremtojmë nismën mahnitëse të Perëndisë Atë për t’u pajtuar me gjininë njerëzore. Ati, i shtyrë nga dashuria e Tij e pafund, “dërgoi në botë Birin e tij të vetëmlindur, që të rrojmë me anë të tij” (1Jn. 4:9), për ta bashkuar njerëzimin me veten Tij, duke u bërë anëtar i tij- si Perëndinjeri. Realiteti i ri që u krijua me ardhjen e Krishtit, është një entitet i ri kolektiv, “Kisha”. Ne të krishterët nuk e shprehim fetarinë tonë si individë të izoluar. Bëjmë pjesë në një komunitet të bekuar, jemi qeliza të gjalla të një trupi shpirtëror, të Kishës, që ka Krye Krishtin. Pra, në kundërvëniet, në debatet dhe polarizimet, që janë të natyrshme në një organizëm të gjallë, “vetëshërimi” që është dhuratë Perëndie, fuqia e natyrshme e shërimit të çdo trupi është pajtimi. Ky është trajtimi terapeutik në periudha krizash, armiqësish dhe ndasish, një element i domosdoshëm për kohezionin social dhe bashkekzistencën paqësore të njerëzve, të komuniteteve dhe të popujve. Në një kohë kur ndasitë, tensionet dhe konfliktet po torturojnë botën, do ta kremtojmë Krishtlindjen në mënyrë më esenciale, vetëm nëse marrim pjesë, sipas mundësive tona, në përpjekjet për pajtim në ambientin tonë të ngushtë, në jetën profesionale, shoqërore, kishtare e politike. Pajtimi kërcënohet vazhdimisht nga egocentrizmi me shfaqjet e tij të ndryshme, si inati, zemërimi, dëshira për hakmarrje. Mënyra me të cilën Biri dhe Fjala e Perëndisë, i buti dhe i përuluri, vjen në historinë njerëzore, përcakton edhe mënyrën se si do të fitojmë mbi egocentrizmin. Parakusht kryesor për pajtimin mbetet falja, shprehja më e fortë e fuqisë së dashurisë. Fjala e Mishëruar, Krishti, këmbënguli që ne të themi vazhdimisht: “dhe falna fajet tona, sikundër edhe ne ua falim fajtorëve tanë…”. Ndjesa mbështet dhe gjallëron solidaritetin, bashkëjetesën paqësore të çdo grupimi shoqëror. * Për të kontribuuar në këtë pajtim, është e nevojshme të jemi pajtuar me veten tonë- me ndërgjegjen tonë, me mundësitë dhe me limitet tona- me qëllimin e jetës sonë. Duhet të përpiqemi vazhdimisht që, me Hirin hyjnor, të paqësohemi “me veten tonë” (1Thes. 5:13). Para se gjithash, nevojitet pajtimi ynë me Perëndinë, me vullnetin dhe porositë e Tij, siç përcaktohen në Shkrimin e Shenjtë. Atëherë, me anë të ndriçimit të Shpirtit të Shenjtë, do të zbulojmë se: “të pamundurat për njerëzit, janë të mundura për Perëndinë” (Llk.18:27). Apostull Pavli, i nisur nga përvoja e tij, deklaronte: “Të gjitha mund t’i bëj me anë të Krishtit që më jep fuqi” (Fil. 4:13). Dhe diku tjetër: “Edhe të gjitha janë prej Perëndisë, që na pajtoi me veten e tij me anë të Jisu Krishtit dhe na dha shërbesën e pajtimit” (2 Kor. 5:18). * Biri dhe Fjala e Perëndisë që erdhi në botë, veçanërisht gjatë kësaj periudhe festive, na kërkon që të marrim pjesë në veprën e Tij, e cila nisi nga grazhdi dhe përfundoi në Kryq. Që të ecim përpara drejt një pajtimi të vërtetë me Atë, me veten tonë dhe me njerëzit tanë të afërm, që të kemi mundësi të bashkëpunojmë për pajtimin e përgjithshëm, i cili ka si qëllim, nga ana eskatologjike, “t’i përmbledhë të gjitha në Krishtin”(Efes.1:10). Duke kujtuar me mirënjohje mirëdashjen e Perëndisë që kremtojmë në Krishtlindje dhe, duke marrë pjesë në “shërbesën e pajtimit”, që nisi me Lindjen e Tij në botën tonë, do të bëhemi të denjë të psalim së bashku në mënyrë të ndërgjegjshme “Lavdi Perëndisë në më të lartat dhe mbi dhenë paqe, dhe në njerëzit mirëdashje”. Krishtlindje të bekuara! Viti i Ri le të na sjellë paqe me shpresë gjallëruese, si dhe solidaritet të pandërprerë në sprovat e papritura të jetës. Me dashuri të tërëshpirtshme më Krishtin, i Cili “ na dha shërbesën e pajtimit”,

Top News – Rama: Ndëshkime edhe për ‘symbyllurit’. Masat ndaj atyre që lejuan zaptimet
30/08 12:46
Top News- Në kërkim për tentativë vr*sjeje/ Prangoset në zonën e ‘Komunës së Parisit’ 30-vjeçari
30/08 12:44
Top News- Digjen ullinjtë në Selenicë/ Situatë kritike, banorët përballen me flakët
30/08 12:43
Top Channel/ Masakra e Përbregut, në 1913 ushtria serbe vr*u 375 banorë të fshatit shqiptar
30/08 12:23
Top Channel/ Magjia e Karaburunit, zona më e pëlqyer për turistët që vizitojnë bregdetin shqiptar
30/08 12:21
Top Channel/ Festivali i yjeve, në parkun e Shebenikut organizohet vëzhgimi i yjeve me teleskop
30/08 12:20
Top Channel/ Virozat po bëhen problem, në Elbasan 200 raste në ditë paraqiten në urgjencë
30/08 12:15
Top Channel/ 15 mijë nxënës në Elbasan, 1200 ulen në banka për herë të parë, 1500 në shkolla të reja
30/08 12:13
Top News – Regjistrimet e nxënësve në shkolla. Klasat e para e të dhjeta afat deri në 1 shtator
30/08 12:08
Top Channel/ “Ndëshkim për symbyllurit”, ndryshime ligjore për zyrtarët që lejuan ndërtimet pa leje
30/08 12:07
Top Channel/ Zjarr në fshatin Vajzë të Selenicës, digjen ullishte e sipërfaqe pemëtari
30/08 11:18
Top News- Zjarr i fuqishëm në Vajzë të Selenicës, flakët kërcënojnë fshatin
30/08 11:13
Top News- Restaurohet kalaja e Bashtovës, kthehet në një hapësirë modern për turizmin
30/08 10:57
Top News- Arrestohet në Spanjë shqiptari/ Do ekstradohet, në kërkim për drogë
30/08 10:55
Top News- Menaxhimi i mbetjeve, të zgjedhurit vendorë kundër qeverisë: Bashkitë thjesht ‘klientë’
29/08 22:37
Top News- Vjen stuhia e madhe, zonat më të prekura…breshër e përmbytje
29/08 22:00
Top News- Alarm! Stuhi të frikshme gjatë fundjavës, kush janë zonat më të prekura
29/08 21:05
Top News- Zjarrfikësit parandalojnë katastrofën në fshatin Kodër Lumë, fikin në kohë rekord zjarrin
29/08 20:22
Top News- “Gjykatësit nuk janë maliqër”/ Rama i përgjigjet KLGJ: Mos gjykoni si e bëj unë punën
29/08 20:05
Top News- Akuzat e kryeministrit Rama ndaj gjyqtarëve, reagon për herë të parë KLGJ
29/08 20:04