Rruga drejt Thethit është akoma e pa zhbllokuar megjithëse automjeti i forcave të ushtrisë ka tentuar që të largojë deboren, serish ka edhe të paktën 3 km deri në Qafen e Thores. Per momentin, mënyra e vetme e qindra banoreve të Thethit për të komunikuar me Shkodrën është në këmbe. Vetëm pasi e viziton, e kupton se sa e vështirë është jeta e banoreve në këto zona. Kjo këtu, pavarësisht se nuk duket është dera e një prej bizneseve në Qafe Thore, e cila në pranvere dhe ne vere është e mbipopulluar por ne dimër duhet të mbyllë dyert për shkak të nivelit të dëborës dhe temperaturave. Gazetari ynë, Klodian Zhivani ndodhej ne Qafen e Thorës, ku u takua me Pjetër Kodran. Ai jeton i vetëm dhe i rrethuar nga disa metra dëbore, punon si roje i bizneseve të mbyllura. Pas rreth 90 minutash, ecje ne këmbe mes përmes dëborës, rrugëtimi mbyllet në Qafen e Thorës, pasi për të vijuar me tej është shume e vështirë. Duhen edhe të paktën 4 ore ecje, për të mbërritur deri në qendër të fshatit të Thethit, një sfide të cilën e ndërmarrin vetëm banorët e zonës. Shprese për Thethin është rruga e re, por serish banoret janë skeptik për shkak të nivelit të lartë dëborës.