Deklarata e kryeministrit Edi Rama për Nju Jork Tajms në shtator të vitit të shkuar habiti të gjithë, ku tha se do të krijohet një shtet bektashi në Shqipëri, si një minivatikan. “Shqipëria po planifikon një shtet të ri mysliman brenda kryeqytetit të saj!”, ishte titulli i medias prestigjioze amerikane që ngjalli mjaft debate. Çështja u rikthye në vëmendje në Konferencën Jubilare të 95-vjetorit të vendosjes së Kryegjyshatës Botërore të Bektashinjve në Shqipëri. Kryeministri Rama foli sërish por ndryshe nga hera e kaluar, e reduktoi statusin e mundshëm të bektashinjve, në atë të “një shteti simbolik, pa mure, pa polici, pa ushtri, pa taksa apo atribute të tjera por një seli, një shtet shpirtëror”. Propozimi i Ramës në atë kohë solli shqetësim, veçanërisht mes komunitetit musliman, por sic u shpreh këtë herë, asnjë prej komuniteteve fetare nuk ka arsye të shqetësohet.Kryeministri, vuri disa herë theksin në rolin e bektashinjve në historinë e Shqipërisë. Por kundër këtij propozimi ka dalë dhe lideri i opozitës Sali Berisha, i cili e cilësoi një propozim antikushtetues, duke e quajtur thikë pas shpine. Cili është qëllimi i krijimit të shtetit bektashi brenda vendit? A vjen ai në emër të tolerancës fetare në Shqipëri?